Wie schonns eemol indesch giess huet, wees wat Naan ass. Et ass dat leckert Flaachbrout mat deem een déi wonnerbar Zoossen, Zoppen a Curryen ësst. Hei hutt Dir elo d'Rezept fir et selwer ze maachen. An zwar vegan! :-D Dat pass super bei eisen Dal. Fannt dat Rezept hei.
An hei ass alles wat Dir duerfir braucht:
150 g Kokosjughurt
150 ml wotlecht Waasser
500 g Miel
1 Il Salz
E pak Hief
Ueleg
D’Hief gëtt am Waaser opgeléist an 10 Minute stoe gelooss.
An eng Schossel kënnt d’Miel, d’Salz an de Kokosjughurt. Dat gëtt gutt mat der Waasser-Hiefmëschung gemëscht an nees 30 Minutte stoe gelooss.
Fir den Naan elo auszerullen huelen ech ëmmer Ueleg a kee Miel. Ueleg un d’ Hänn, op d’Aarbechtsplack an op den Deeg.
Et gëtt eng kleng Knupp Deeg geholl, an ausgerullt.
Drop kennt den Topping no Choix, ausser d'frësch Kraider: déi kommen zum Schluss.
Da gëtt d’Brout an enger Pan gebroden. Ouni Fett, well scho genuch Ueleg um Deeg ass.
D’Hëtzt soll nëtt ze héich sinn: Ech hu meng Plack ob 7 stoë wann ech dat maachen.
Et gesäit ee wéi den Deeg an der Pan Blose geheit, an en nët méi réi uewen drop as. Da gëtt den Naan gedréint :-)
An dann ass en och scho geschwë fäerdeg :-)
Fir op den Naan, je no Goût:
Knuewelék
Schwarzkümmel
Koriander
Peffermënz
Chilli…
Comments