• WDBNK

Stollen. Vegan. Lecker.

An dës Zäit gehéiert einfach e leckere Stollen. Dat hei ass eist ganz einfacht Rezept, ganz planzebaséiert. Dee Stolle kënnt dir entweder direkt iessen, do schmaacht e schonns lecker, oder dir lagert e loftdicht agepak.

Lecker Stollen.

Hei d'Rezept:


  • 200 gr Korinthen ginn 10 Minutten am waarme Waasser ageweecht

  • 260 ml Sojamëllech gi wootlech gemaach a verrouert mat

  • 25 gr Hief a

  • 40 gr Zocker

  • 400 gr Miel

  • 50 gr Gromperemiel

  • 60 gr gemuelen Hieselnëss

  • 4 Tl Flohsamenschalen a

  • 4 Pauzen Salz ginn drëche matenee verrouert. Dobäi kënnt


  • eist Hiefgemësch

  • 2-3 Il Orangebléiewaasser

  • 120 gr Planzebotter

  • 1 Il Orangat

  • 1 Il Zitronat. Dat däerf alles elo gutt 10 Minutten gekniet ginn.


Den Deeg gëtt elo um Bakpabeier ausgerullt. Fir ze fëlle kann een elo einfach

Bak-Marzipan dra gerullt ginn. Well bei eis ower een deen nët gäeren huet, hu mer eng Hieselnoss Fëllung drann verstrach.


Hei d'Rezept fir d'Hieselnëssfëllung:

  • 150 gr Hieselnëss ginn an engem klenge Mixer vermëscht mat

  • 1 Il Orangebléie Waasser

  • 1 Il Rousewaasser

  • 5 Il Pudderzocker

  • 1 décke Strutz Agavendicksaft


Dës Mëschung op dem Deeg versträichen, da gëtt de Stollen zesummegerullt an 1 Stonn zougedeckt goe gelooss.


Duerno gëtt en am Schäffchen bei 160-170 Grad Ëmloft 40-45 Minutten gebak. Wann e fäerdeg ass, gëtt en nach waarm mat


  • Planzebotter bestrach, a wéi sech dat gehéiert, mat uerdentlech

  • Pudderzocker garnéiert.


Nach méi lecker Stollen.

Mhhmm, lo muss ee just nach waarde bis en ofgekillt ass! :)


Vill Spaass, an ee gudden Appetit!

0 comments

Recent Posts

See All

©2018 by WDBNK

  • Facebook Social Icon
  • YouTube Social  Icon
  • Pinterest Social Icon
  • Instagram Social Icon