Zäit hei mol eist Rezept fir leckere Brennnessel-Baba Ganoush mat Iech ze deelen. Dat Ganzt ass liicht ze maachen, an ee Plus op all Buffet oder bei Falafelen.
Alles fänkt u mat
1 kg Auberginnen
Déi gi mat der Fourchette agepickt an am Schäffchen 40 Minutten bei 200 Grad gebak.
1 Passette voll Brennnesselspëtzten fléien mat
1 Zéif Knuewelék,
1 gudden Iessläffel Sesam-Tahin
Peffer a Salz
engem klenge Schotz gudden Olivenueleg
1 Pauz Kreuzkümmel
1/2 gedrëchenter Chillischot
an dem Jus vun 1 Zitroun an de Mixer.
D’Auberginne ginn aus hirer Haut getrennt an zesumme mat de reschtleche Saache gemixt.
Fir ze Zervéieren kënnt nach
e klenge Schotz Olivenueleg, a
gehackte frësch Peffermënz
dobäi. Wien ët gäer schaarf huet, kann nach e bëssi
Chilliflacken
driwwer ginn. Gudden Appetit! :D