• WDBNK

Wotlech Bippercherszalot mat Bettseechesch

An der Wiss steet alles voll mat wonnerbare Pissblummen. Och wann dës scho bléien, kann een nach ëmmer vum Gréngs profitéieren :-) Am allerléifsten hunn ech se mat wootleche Gromperen als Zalot :-D Nammnamm! 


Grompere sou wéi een se gäeren huet. Um Teller.

Gesammelt hu mir d’Blieder an e puer zoue Bléieknäpp vun der Pissblumm. D’Bléienknäpp leeën ech da kuerz an e bëssi Esseg.


Ab an d'Essegbidden, a schéi Wischiwaschi maan!

D’Grompere ginn am Salzwaasser gekacht, a wärend där Zäit preparéieren ech d’Vinaigrette aus:

  • 2 Zitrounen

  • 1 Läffel Moschter

  • 1 zerdréckten Zéif Knuewelek

  • Peffer a Salz

  • 1/2 kleng gehackten Ënn

  • frësch Kraider (haut wor dat Bratzel, Bärlauch, Sauerampel)

  • an e Schotz Ueleg

Wat ech duerno nach brauch:

  • Räuchertofu

  • Kürbiskären

  • 1/2 kleng gehackten Ënn

  • Pissblummeknäpp


Bruzzel, bruzzel, nomnomnom!

De Räuchertofu gëtt kleng geschnidden an ugebroden, dobäi kënnt di aner Halschent vun der Ënn (ech hunn dee Goût vun der réier a gebrodener Ënn zesummen immens gären ;-) ) 

Dodra fléien dann och nach di ofgedrëpst Pissblummeknäpp. No enger Minutt kommen dann nach d’Kürbiskären dobäi.

Wann d’Gromperen da mëll sinn, gi se ofgeschott a 3-4 Minutte stoe gelooss.

Da ginn di gewäsche Bettseechegblieder mat dem Rescht vermëscht, a fäerdeg :-D

©2018 by WDBNK

  • Facebook Social Icon
  • YouTube Social  Icon
  • Pinterest Social Icon
  • Instagram Social Icon