E super säftege Schokolaskuch mat engem Touch vun Päerdsbier. Genee dat Richtegt fir Sonndes um 4. ;-)
Duerch d’Dobäigi vun Päerdsbiergebees (wéi z.B. eisem Gewürzgebees) gëtt de Kuch super säfteg. D’Rezept ass ganz einfach, an de Kuch schmaacht superlecker :-).
Gebraucht gëtt:
1 Dous Kokosmëllech
125 Gramm Réizocker
1 Tl Vanille
1 Tl Kanéil
80 Gramm Päerdsbiergebees (am beschte “Gelee”)
180 Gramm Miel
1 Pak Weinstein
60 Gramm Kakao
2 Il Sojamiel
1 Pauz Salz
5 Iessläffelen neutralen bis nossegen Ueleg
Alles 5 Minutten am Mixer dréine loossen.
An enger ausgefetteter a bemielter Baakform 40 Minutte bei 180 Grad baken.
Nom Baken däerf e 5 Minutten an der Form raschten, an dann op enger Hiertchen e bëssi auskillen. Déi Zäit ginn e puer Nëssercher geschielt, an am Bain-Marie
80 Gramm Schokola geschmolt a mat
1 décken Téiläffel Kokosnossbotter verréiert.
Dékoréiert gëtt dann no Loscht a Laun mat den Nëss z.B
Déck Nëss (Walnëss)
Hieselnëss
Erdnëss
Pistaschen a
gedrëschenten Äppelchips