Gefëllte Gnocchischnecken

Gefëllte Gnocchischnecken - e Rezept fir wann ee Loscht huet e bëssi an der Kichen ze wurschtelen a mol eou richteg, richteg sat ze ginn. :-)

Fir den Deeg hunn ech

800-900 Gramm Gromperen

am Salzwaasser mëll gekacht.

Wann een der huet wou d’Schuel nët su ondurre voll Buedem si ewéi bei mengen haut, da kann ee se och einfach quellen. Fir d’Fëllung gëtt:

• 1/2 Block Räuchertofu ugebroden, dobäi fléien

• 3 gehackten Zéiwe Knueweléck

• 1/2 Ënn

• 1 Passette gehacktent Blaatgeméis - hei hate mer haaptsächlech Brennnessel, ower och e bëssi Beinwell, Vulleseemchen, Gudden Heng a Spinat

• 1 Tas Hiefflacken
  

an engem klenge Glas gëtt

• 1 IL Gromperemiel mat

• 1 klengen TL Kraidersalz

• 1 TL Currypolver a

• Waasser

verrouert.

Dëst gëtt iwwert d’Fëllung geschott, opgekacht, an d'Plakk ausgemaach.

Wann d’Grëmpercher mëll sinn, gi se duerch d’Gromperepress gedréckt, a mat

• Peffer

• Muskat

• 2 Iessläffele Soja-, Séisslupinne Miel oder Vegg Egg

• 2 Iessläffelen Ueleg

• 300 - 350 Gr Miel

zu engem Deeg gemëscht. Dee gëtt op engem gewieftenen oder geuelegte Bakpabeier ausgerullt a mat der Fëllung bestrach.

Da gëtt gutt fest zesummegerullt

an op d'mannst 1 Stonn am Frigo kal gi gelooss fir dass alles e bëssi méi fest gëtt.

Soss kann ët sinn, dass d’Schleeken herno net richteg halen. Da gi se a Scheiwe geschnidden

a vun all Säit an der Pan gëllen ugebroden.

Well di Dénger sou staark siedegen, schmaachen se am beschten mat enger liichter Zalot. :)