An enger Experimentkichen wéi bei eis, brauch een heiansdo 2 Uleef bis eppes richteg ass :-) Sou wéi bei deem heite Rezept.
De Problem deen ze léise war, war de Kohlrabi mëll ze kréien… E wor mega am Gout, ower haart ewéi Goss…
Am zweeten Ulaaf hu mir en am Schnellkachdëppen virgekacht, an dat wor den Trick.
Also:
en décke Kohlrabi gëtt geschielt a ronderem mat engem Stäbchen e bëssi agepiikst, an dann am Schnellkachdëppen :-)
15-20 Minutte gekacht, erausgeholl an iwer Nuecht marinéiert mat
500 ml roudem Wäin
500 ml Porto
2 Lorberblieder
4-5 Neelcheskäpp
engem Läffel Koriander
5-6 Pimentskären
schwaarzem Peffer
Den Dag drop gëtt alles 10 Minutten opgekacht.
Da gëtt de Kohlrabi erausgehuewen, an an enger déiwer Pan mat Ueleg ugebroden, mat
1 Muert
1 Ënn
1 Zéif Knuewlék
wann alles e bëssi Faarw ugeholl huet, flitt de Kohlrabi an de Schäffchen an d’Geméis an der Pan gëtt mat der Marinade iwwergoss, a mat Péiterséilech an Thymian 15 Minutten kache gelooss.
Da flitt d’Zooss an den Highspeedblender. D’Geméis gëtt mat gemixt, ower déi ondurren haart Kraider nët. Dofir kënnt ower nach e bëssi Peffer, Salz an e Stéckelchen schwaarze Schokola derbäi.
Gemixt, flitt ët iwwert de Kohlrabi, a gëtt nach emol 10 Minutte matbake gelooss… Nommnomm.
E gudde Brot fir d'Feierdeeg.
