Courgettekichelcher mat Weidenröschenbléien an Hanfdip

Mir hunn am Moment Tonnen Courgetten ze verschaffen, an ee Plat fir dës Aufgab si Courgette Kichelcher :-D

D'Courgette gi kleng geraspelt,

an an engem Mixer gëtt

• 1Tomat

• 1 Ënn

• 1 grouss Tas Käicher Miel

• Salz a Peffer

• Een décke Läffel Currypolfer

• an e puer frësch Kraider z.B. Koriander a Basilikum

gemixt, a mat de Courgetteraspelen vermëscht.

An enger Pan mat Ueleg gi Fläppweis den Deeg verdeelt a frësch Weidenröschenbléien dra gedréckt. Wa se goldeg gebrode sinn, gi se ëmgedréint.

Fir de schnellen Hanf Dip, gëtt

• 1 Tas geschielten Hanfsom mat

• 1 Tas Waasser

• 2 Zéiwe Knuewelék

• 1/2 Zitroun (de Jus)

• Peffer a Salz

am Highspeedblender crèmeg gemixt. A mat frësche Bratzelen driwwer zervéiert.

Dat ass einfach wonnerbar. Déi Kichelcher sinn iwwregens och tiptop Patties fir op e Veggie-Burger a sinn och kal immens lecker.

Gudden Appetit! :-D