Courgette-Schwaarzbier Ragout (vegan)

Den August boomt ët vu Courgetten a Schwaarzbieren, eiser Planz vum Mount August 2018. Dëse Ragout ass e Rezept fir déi zwee mateneen ze verschaffen.

Am Dëppen mat e bëssi Olivenueleg gëtt eng geschnidden Ënn, zwou gehackten Knuewelékszéiwen, Moschterkären, Kümmel an e Läffel Currypolfer ugebroden.

Dra kommen a Sträife geschnidden Courgetten an di eng oder aner Tomat.

Nom Duerchréieren gëtt dat Ganzt mat Kokosmëllech ofgeläscht, a gutt gesalzt a gepeffert. Dat därf elo 20 Minutten brutschelen.

Zum Schluss flitt eng Schësselchen Schwaarzbieren dran. Déi solle just 1/2 Minutt waarm zéien. An da gëtt zervéiert.

Als Topping passt gutt e Crunch aus geréischtertem Buchweizen mat e bëssi gebrachenem Chilli a Moschtersom driwwer.

Déi ginn einfach kuerz am Ueleg ugebroden.

Dann nach e bëssi frëscht Koriandergréngs driwwer a mat Räis fruppsen! Lecker! :-)