Aloo-Gänsefouss :-) (vegan)

Dir kennt villäicht indesch Klassiker ewéi Aloo-Palak? Aloo heescht "Gromper", Palak hescht "Spinat". Mir maachen haut en Aloo-Bathua, well en Enn August / Ufank September nach iwwerall steet an en nach ëmmer immens gutt schmaacht. :-D Bathua ass den indeschen Numm fir de Gänsefouss. De Gänsefouss war am Juni eis Planz vum Mount op www.WatDeBauerNetKennt.lu . ;-)

An engem Dëppen ginn

• eng Ënn,

• frësch geriwwenen Ingwer (oder gedrëchenten),

• Fenchelsom,

• Kümmelsom,

• Moschtersom,

• an e Läffel Currypolver

am Kokosnossueleg ugebroden.

Dobäi fléien déi réi Gromperen an e puer gedréchent Chillien. Nom Ëmréieren flitt eng Dous Kokosmëllech, an eng hallef Dous Waasser driwwer. Et gëtt gutt gesalzt an e bëssi gepeffert. Dat däerf lo brutschelen bis d’Grompere mëll sinn. Zum Schluss flitt de frësch geplécktenen Gänsefouss mat drann.

Vum Gänsefouss kann een am August/September d’Blieder an d’Bléien respektiv Som einfach vum Still ofsträichen. Dës gi just kuerz an de Platen mat gekacht. E Genoss!