Graupe-Risotto am Mini-Hokkaïdo (vegan)

D’Kürbiszäit ass nach ëmmer voll amgaangen! Aus eisem Gaart ass ët allerdéngs dee Leschte fir dëst Joer. Déi aner si schon all gefruppst :-)

Fir de Grauperisotto ginn

• 1 Zwibbel

• 1 Zéif Knuewlék

• 1 geschnëppelt Muert

am Ueleg ugebroden, dobäi kënnt

• 1 Téiläffel Garam Masala

nom ëmréieren kënnt dobäi:

• 1 Schësselche Graupen an

• 2 Schësselcher Geméisbritt ( Waasser mat engem Läffel Geméisbrittpolver)

dat gëtt opgekacht, a bei mëttlerer bis niddreger Hëtzt 15 Minutte goë gelooss.

Den Hokkaïdo gëtt an der Halschent gedeelt an entkäert.

Mat e bëssi Ueleg bestrach därf deen dann 10-12 Minutten bei 200 Grad an de Schäffchen.

En Apel gëtt kleng geschnëppelt, an déi lescht 2-3 Minutten an d’Graupe gin. Dëss ginn ofgeschmaacht mat

• Peffer, Salz

• engem Iessläffel Hiefflacken

• Sesamueleg

• a frësch gehacktenem Péiterséilech.

Dat gëtt an den Hokkaido gefëllt, an därf nach emol 5 Minutte am Schäffchen brutzelen.

Fir ze Zervéieren schmaacht nach e bëssi Sesamueleg a frësch Kraider ewéi Péiterséilech a Bratzel driwwer ganz lecker. :-)