Gebakene Gewürz-Choufleur (vegan)

Nommnommnomm! Lecker gebakene Gewürz-Choufleur! Deen ass gutt als eegestännege Plat, oder och als Beilag.

De Choufleur gëtt am Salzwaasser mat enger Scheiw Zitroun 7 Minutte gekacht.

Déi Zäit ginn

• 1 Neelcheskapp

• e bessi Muskat

• 1 Iessläffel Koriandersom

• 1 gedrëchenten Chilli

• e bëssi Kardamom

• 1 Iessläffel Kreuzkümmel

• 1 Iessläffel Paprikapolver

• 1 Téiläffel Zimt

gemörsert.

Dodra kommen

• 2 Läffelen Sesampast (Tahini)

• eng Pauz Salz

• e bëssi schwarze Peffer

• a Sesamueleg bis e gutt verdeelbare Melange entstanen ass.

De Choufleur wandert an eng feierfest Form, an eis Gewürzpast gëtt driwwer verdeelt. Deen däerf lo bei 250 Grad Uewer- an Ënnerhëtzt 5 - 10 Minutte brutzelen. Opgepasst: heiansto luussen! Net datt e verbrennt :-D

E klengen Téiläffelche vun der Past gëtt gehalen, a mat

• dem Jus vun 1/2 Zitroun

• enger Pauz gemuelene Korianderson

• frësche gehackte Kraider ( z.B.Péiterséilech, Koriander oder Basilikum)

• 5 Iessläffelen Sesamueleg

• 1 gepressten Knuewlékszéif, an

• e bëssi Peffer a Salz verréiert.

Dat gëtt beim Zervéieren iwwert de fäerdege Choufleur ginn.

Mhhhmmmm! Wéi sot deen aneren: E Genoss muss kee Russ sinn :-)