Frësch Kierwelszëppchen (vegan)

De Gaardekierwel ass dem Gärtner säi Liebling am Wanter :-) Hie kann dat ganzt Joer duerch geséint ginn, ass usprochslos un de Buedem, ass eng perfekt Tëschefrucht wëll en esou séier wiisst. 45 Deeg nom Séinen kann e schons gepléckt ginn, trotzt all Keelt an ass elo am Januar sou schéi frësch datt et e Genoss ass!

Wat huet de Kierwel eng Faarw! Vitaminne pur!

Fir eng gutt Zëppchen:

• 2 Gromperen

• 1 Ënn

• 1 Schalott

• 2 Branchen Zellerie

• 1 Muert

• 1,5 Liter Waasser

• Geméisbrittpolver

ginn 30 Minutte gekacht bis se mëll sinn.

Am Mixer gëtt d’Zëppchen mat

• engem décke Bond frëschem Kierwel

gemixt.

Si flitt zréck an d’Dëppen, a gëtt ganz kuerz emol opkächele gelooss fir den staark anäisege Goût e bëssi ze huelen. Ob kee Fall méi laang wéi eng Minutt fir de gudde Kierwelgoût nëtt ze verléieren :-)

Zervéiert gouf se hei mat Vollkarbrout Crouton’en.