©2018 by WDBNK

  • Facebook Social Icon
  • YouTube Social  Icon
  • Pinterest Social Icon
  • Instagram Social Icon
  • WDBNK

Déi kanns de sauer amaachen - Choufleur a Cornischongen aus dem Gaart

Wann d’Geméis nees all beieneen zeideg ass, dann ass Zäit fir e bëssi sauer anzemaachen :-)

Dat geet ganz einfach!



D’Geméis, hei de Choufleur an d’Cornichongen, ka mat der selwechter Zort Sud zoubereed ginn. Dofir gëtt et a separaten Dëppe gekacht, an duerno mam Sud iwwergoss. (Dat geet natirlech och fir mixed Pickels, mat Wuerzelen an Zellerie oderPaprika, oder…) 

Ët kann een d'Geméis och einfach direkt am Sud kachen an domatt an d’Glieser fëllen, mee besonneg beim Choufleur, hunn ech léiwer wann d’Kachwaasser ofgeschott gëtt, an e frësche Sud driwwer kënnt. De Goût gëtt doduerch méi fein :-)


De Choufleur gëtt a Réisercher zerpléckt, an am gesalzene Waasser gekacht. E soll nët ze mëll ginn, also just +- 5 - 10 Minutten kachen (dra picken).

D’Cornichongen brauche 5 Minutten.

An engem separaten Dëppen gëtt Waasser gekacht. Dodra kënnt pro Liter 1 Ënn, 1 Iessläffel Moschterkären, eng Pauz Salz, e bëssi Peffer oder Chilli, e Grapp Dëll, an e puer Piment Kären oder Wakelter. Dobäi nach1 déck Strutz Agaven-Dicksaft an 150 - 250 ml Esseg, je no Goût.

Ass d’Geméis fäerdeg, gëtt et nach kachend waarm an ausgekachten Glieser gehuewen, a mat dem kachende Gewierzsud iwwergoss.

Deckel drop, an no 24 Stonne si se schon “duerchgezunn” a lecker. 

Wéi laang ass dat haltbar, héieren ech Iech froën? Keng Ahnung… Bei eis gi se ëmmer am Wanter duerno giess. :-)

Wann alles gutt ausgekacht ass därft eigentlech laang näischt drukommen :-)