Ënnenzëppi mat Gänsefouss (vegan)
D’Sammelzäit vum Gänsefouss ass quasi um Enn, awer fir an eng Zëppchen ginn déi puer Bliedercher nach duer :-) An eng Ënnenzopp passt super dobäi!
Dofir gëtt +- 1 kg Ënnen a Réng geschnidden an am Ueleg ugebroden bis d’Zwibbelcher glaseg an liicht gëllen gebrode sinn.
Dat gëtt opgefëllt mat 2 Liter Waasser an der entspriechender Quantitéit Geméisbrittpolver. Mat 2 Neelcheskäpp an engem Lorberblad därf d’Zëppchen lo 10 Minuten brutschelen.
Da fléien nach 3 Minutten laang d’Gänsefousblieder dobäi, an et gëtt mat engem Läffel Sojazoos a Peffer an eventuell je no Brittpolver e bëssi Salz ofgeschmaacht.
An esou gesäit de Gänsefouss aus:
